Horch amoal her

Unser ganzi klaani menschlichi Hoffnung­ und Verzweiflung steckt in demm aane Woart: Zeitumstellung. Unser­ aussichtsloas‘ Ourenne geeche­ di Gwalte vo Hiimel und Errde; unser­ ­iiwerzwerchs Umananderdoktere­ oum Schoimmerdoagweesene; unser­ Schraa nach Beachtung, während mer durch a uufassbari Uuendlichkeit kuchle. Zeitumstellung! Als ob mer bloaß a Zeicherle im Kreis dräewe misset und doademiit woss ändere kännet! Als ob mer erchendwann a Stund späeter sterwet, wall mer 2025 n ­Radiowecker umgstellt hat! Naa, Leit. Awwer i klaaner Mensch fraab mi annaweech, dass i oum Monndooch a Stund späeter ins Gschäft muss.